قواعد اللغة النرويجية

معلومات ونصائح حول امتحان ال A1-A2 في اللعة النرويجية

والان نبدء بالدرس 
 
لا تنسى أيضا الأستماع الى طريقة اللفظ عدة مرات حتى يسهل عليك معرفة طريقة اللفظ
والأن نبدء بالدرس

معلومات ونصائح حول امتحان ال A1-A2 في اللعة النرويجية

بس قبل مانبدأ في ملاحظة هامة جدا جدا :
مافي شي اسموا امتحان ال A1 ولا امتحان ال A2 في شي اسموا امتحان ال A1/A2 يعني هادا الامتحان بحدد انو الطالب مستواه A1 ولا مستوى A2, لكن مو بالضرورة انو يكون الطالب مستوه بكل الاقسام A2 ولا A1 يعني ممكن الطالب يكون محادثتو A1 ولكن السمع عندو A2.

القسم الاول بيتضمن 3 اجزاء: 

الجزء الاول “الاستماع” ( بين ال 20 الى 50 دقيقة ) اسئلة متعددة الاخيارات او بيطلب منك احيانا تشير لشي معين بالصور (مثلا بيقلك اي ولد لابس احمر بالصورة وانت لازم تضغط على الولد بالصورة) في امثلة امتحانية رح ضيفا بنهاية البوست.

مجرد ماانو الطالب ينتقل للجزء السماعي الاسئلة بتضل ماشية والوقت ببلش يعد وازا ماجاوبت ععلمي مابتحسن ترجع للسوال ,بال B2 هيك ولكن ماني متأكد اذا كل الامتحانات بنفس الطريقة لهادا المستوى.

قبل مايضغط الطالب على الجزء السماعي لازم الطالب يتأكد انو مستوى صوت السماعة مناسب لالو وفي حال حس انو في ضجه حواليه يطلب من المراقب انو يضبط الوضع مشان مايتشوش.

الجزء التاني”القراءة “(لحد ال 75 دقيقة) مقاطع وعليها اسئلة (مرادفات, عكوس, العنوان المناسب للنص .. الخ)
-اهم الشي الطالب يوزع الوقت بشكل جيد ويقرء النصوص ع سريع ومايوقف عند جزء معين فترا طويلة (يلي مامتاكد منو تركو اخر شي)
[better-ads type=”banner” banner=”666″ campaign=”none” count=”2″ columns=”1″ orderby=”rand” order=”ASC” align=”center” show-caption=”1″][/better-ads]

الجزء التالت “الكتابة” (لحد ال 90 دقيقة) نصين غالبا:

  • الاول (احكي عن يلي شايفو بالصورة) نص قصير غالبا بكون مستوى A1
  • التاني احكي عن موضوع عام ( 80 وال 100 كلمة) غالبا بكون مستوى A2

اهم المواضيع يلي ممكن تجيك بالامتحان : 

احكي عن نفسك, عائلة, اعمالك اليومية, الاكل , الملابس, الجسم , الصحة, الاهتمامات (ملاحظة: المواضيع هدول نفسن يلي ممكن نشوفن قدامك بالمحادثة)

اما القسم التاني بيتضمن جزء واحد الا وهو المحادثة: 

بتختلف طبيعة الامتحان باختلاف الميستوى فمثلا المستوى الاول A1/A2 ممكن يعطو الطالب باول قسم صورة ويطلبو منو يوصف الشي الموجود بالصورة اما القسم التانب عبارة عن محادثة بينو وبين شخص اخر عن شي موضوع

اما القسم الاخير بيطلب منك تحكي لحالك عن موضوع عام

 نصيحتي انو تتدريبوا بالبيت على تقديم نفسكم بدون اخطاء (قبل الامتحان اكتب شي عن حالك واطلب من مدرسك يصححك ياه ومن ثم احفظو بصم واتتدرب عليه).
السؤال هون ليش الوقت المحدد للامتحان عبزيد او عبينقص ؟
حط ببالك صديقي ازا حسيت انو الامتحان طول عليك والاسئلة كترت بالقراءة اوالسمع فأعلم انك على الطريق الصحيح 

يعني كل ماكانت اجوبتك صح كل مازادت الاسئلة وازدادت الصعوبة وهاد الشي جزء من سياسة مؤسسة ال fox المعنية بإمتحانات اللغة النرويجية الهدف انو يعطو الطالب حقو ازا كان مستوى اعلى من ال A2.
في مثال واقعي:
احد الطلاب قدم امتحان B1/B2 الاستاذ يلي عبيمتحنوا لاحظ انو مستوى الطالب اعلى من ال B2 فوقف الامتحان وخلا الطالب يستنى شوي ورجع عطاه اسئلة بمستوى اعلى C1 والطالب حصل بعد الامتحان على مستوى C1 وليس B2 . هي السياسية بتخلق نوع من الارتياح عند الطالب.

ملاحظة اخيره اصدقائي,

المعلومات بهادا البوست مأخوذة من منظمة ال fox المعنية بإمتحانات اللغة النرويجية لكن ممكن تختلف طبيعة الامتحان شوي للمستوا A1/A2 باختلاف المركز الامتحاني, يعني ممكن المدرسه تلغي او تتساهل شوي ببعض الاقسام. اما امتحان ال B2 او الBergentest الو شكل واحد. لهيك نصيحتي كل طالب يطلب لقاء مع الاستاذ مشان يستوضح منو كيف رح يكون شكل الامتحان بمدرستن.

 

ولا تنسى الاعجاب بصفحتنا على الفيس بوك 

أضغط هنا 

 

اترك رد

زر الذهاب إلى الأعلى